11.07.2022 16:20
Ոստիկանության Մարտունու շրջանային բաժինը տարվա առաջին կիսամյակի արդյունքներն ամփոփում է դրական տեղաշարժով
Իրավախախտումների բացառման, դրանց կանխարգելման, շրջանում գրանցված հանցագործությունների բացահայտման ուղղությամբ կատարված գործողությունները բավականին արդյունավետ են, բայց ինչպես բաժնի պետն է ասում՝ գոհացուցիչ չեն:
Նախորդ տարվա նույն ժամանակահատվածի համեմատ՝ բոլոր հանցատեսակների մասով նվազման միտում կա:
12 դեպքով աճել է միայն հասարակական կարգի և բնակչության առողջության դեմ ուղղված հանցագործությունները: Մտահոգիչ է նաև խուլիգանություն կատարելու՝ հասարակական հնչեղություն ստացած դեպքերը: Նշված դեպքերով հարուցվել է քրեական գործ, որոնք գտնվում են նախաքննության փուլում:
Ընդհանուր կառուցվածքում շուրջ 26 դեպքով նվազել է բացահայտման տոկոսում հաշվառված հանցագործությունները:
Արատավոր երևույթները բացառելու և շրջանում հասարակական կարգն ապահովելու ուղղությամբ, ոստիկանության Մարտունու շրջանային բաժինը տանում է ամենօրյա աշխատանք:
Քրեաբանական առումով պատերազմներից հետո մշտապես քաղաքացիների մոտ ավելանում է զենքերի առկայությունը և դրանցով պայմանավորված ավելանում են հենց հրազենի միջոցով կատարվող հանցագործությունները:
Անցած 6 ամիսների ընթացքում Մարտունու շրջանային բաժնում՝ տարբեր տեսակի ու տրամաչափի ռազմամթերքի կամովին հանձնման 32 դեպք է արձանագրվել:
Ունենալով գերծանրաբեռնված օրակարգ՝ ոստիկանությունն ընդհանուր առմամբ կատարել է իր առջև դրած խնդիրները, վերահսկելով շրջանի օպերատիվ իրավիճակը: