22.03.2023 10:08
Ոստիկանությունը շարունակում է թմրամիջոցների ապօրինի շրջանառության դեմ ամենօրյա պայքարը
Մարտի 20-ին ոստիկանության քրեական հետախուզության վարչության ծառայողները ստացված տեղեկություններն իրացնելիս, թմրամիջոցներ ապօրինի պահելու կասկածանքով նույն օրը ժամը 11:50-ին Ստեփանակերտ քաղաքի Ազատամարտիկների փողոցից բերման են ենթարկել Ասկերանի շրջանի 43-ամյա բնակիչ՝ Ա.Մ.-ին: Անձնական խուզարկությամբ վերջինիս բաճկոնի գրպանից թղթե փաթեթում հայտնաբերվել և վերցվել է 1.17 գրամ թմրանյութի նմանվողչորացված ու մանրացված բուսական զանգված:
Նույն օրը ՔՀ վարչության ծառայողները՝ համատեղ ոստիկանության Ասկերանի շրջանային բաժնի ծառայողների, թմրամիջոցներ ապօրինի պահելու կասկածանքով ժամը 14:50-ին զննության են ենթարկել Ասկերան քաղաքի 34-ամյա բնակիչ՝ Յ.Ա.-ի առանձնատան նկուղային հարկը, որտեղ հայտնաբերվել և վերցվել է 324 գրամ թմրանյութի նմանվող չորացված բուսական զանգված: Նրա հետ տարված բացատրական աշխատանքների արդյունքում՝ ոստիկանությանը կամովին հանձնել է տարբեր տեսակի ու տրամաչափի զինամթերք: