ԿԱՅՔԻ ՔԱՐՏԵԶ
ԹԵԺ ԳԻԾ
24.04.2022 00:50
Ջահերթ` Հայոց Ցեղասպանության 107-րդ տարելիցի կապակցությամբ
Հայոց ցեղասպանության 107-րդ տարելիցի կապակցությամբ այսօր Ստեփանակերտի Սուրբ Հակոբ եկեղեցում եղեռնի անմեղ զոհերի հիշատակին, մատուցված հոգեհանգստյան կարգից հետո տեղի է ունեցել ջահերով երթ` դեպի մայրաքաղաքի`
Մեծ եղեռնի զոհերի հիշատակը հավերժացնող Զանգակատուն-հուշահամալիր։
«Զարթի՛ր, լա՛ո» խորագրով երթին մասնակցել են ԱՀ նախագահ Արայիկ Հարությունյանը, բարձրաստիճան պաշտոնյաներ, հոգևոր ու աշխարհիկ դասի ներկայացուցիչներ։
Ջահերթին մասնակցել են նաև ՆԳ նախարարության ծառայողները` նախարար Կարեն Սարգսյանի գլխավորությամբ։
Ստեփանակերտի քաղաքային հուշահամալիրում հնչել են Հայոց ցեղասպանությունը դատապարտող ելույթներ, միասնության ու պահանջատեր լինելու կոչեր, որոնց էլ հաջորդել է Արցախի պետական կամերային երգչախմբի կատարումները։