ԿԱՅՔԻ ՔԱՐՏԵԶ
ԹԵԺ ԳԻԾ
23.08.2021 12:07
Ստեփանակերտ - Դահրավ ավտոճանապարհին մեքենան գլորվել է ձորը
Oգոստոսի 22-ին ժամը 15:45-ին ԱՀ ՆԳ նախարարության ոստիկանության, միաժամանակ ԱԻՊԾ Ասկերանի շրջանային բաժնի ահազանգման կենտրոնում հաղորդում է ստացվել Ստեփանակերտ-Դահրավ ավտոճանապարհին տեղի ունեցած ճանապարհատրանսպորտային պատահարի մասին:
Օգնություն ցուցաբերելու նպատակով դեպքի վայր են մեկնել Ասկերանի շրջանային բաժնի ոստիկանության և փրկարար ծառայողները:
Պարզվել է, որ նույն օրը ժամը 15:15-ի սահմաններում նշված ավտոճանապարհի 18-րդ կիլոմետրին Ստեփանակերտ քաղաքի բնակիչը վարելով «Շևրոլետ Նիվա» ավտոմեքենան, կորցրել է ավտոմեքենայի կառավարումը, ճանապարհից դուրս եկել դեպի աջ և գլորվել ձորը, ինչի հետևանքով վերջինս և ուղևորններ` ստացած մարմնական վնասվածքներով տեղափոխվել են «Հանրապետական բժշկական կենտրոն» ՓԲԸ:
Ստուգմամբ զբաղվում է ոստիկանության Ասկերանի շրջանային բաժինը: