ԿԱՅՔԻ ՔԱՐՏԵԶ
ԹԵԺ ԳԻԾ
26.03.2021 11:50
Վիճաբանություն
Մարտի 25-ին ժամը 23:10-ին Շուշի քաղաքում հաշվառված՝ 2004թ.ծնված Ա. Շ.-ն հեռախոսով հայտնել է ոստիկանության Ստեփանակերտ քաղաքի վարչություն այն մասին, որ Նաբերեժնայա փողոցի 3-րդ նրբանցքի թիվ 2ա հասցեում տեղակայված «Արարատ» հյուրանոցում իր նկատմամբ բռնություն են գործադրել:
Մեկնած տեղամասային տեսուչը պարզել է, որ նույն օրը ժամը 22:50-ի սահմաններում, նշված հյուրանոցում վիճաբանություն է առաջացել մի կողմից Ա. Շ.-ի, իսկ մյուս կողմից Շուշի քաղաքում հաշվառված եղբայրներ՝ 2006թ.ծնված Հ. Գ.-ի և 2000թ.ծնված Դ. Գ.-ի միջև, որի ընթացքում կողմերը փոխադարձ հարվածներ են հասցրել միմյանց, իսկ Դ. Գ.-ի հարվածից Ա. Շ.-ն հետ գնալով գլխով հարվածել է պատին ստանալով մարմնական վնասվածք:
Նշված անձանց տրվել են դատաբժշկի ուղեգրեր:
Ստուգմամբ զբաղվում է ոստիկանության Ստեփանակերտ քաղաքի վարչությունը: