ԿԱՅՔԻ ՔԱՐՏԵԶ
ԹԵԺ ԳԻԾ
11.09.2020 12:15
Վիճաբանություն՝ Ասկերանի շրջանում
Սեպտեմբերի 7-ին ԱՀ ոստիկանության Ստեփանակերտի քաղաքային վարչությունից հաղորդում է ստացվել ԱՀ ոստիկանության Ասկերանի շրջանային բաժին այն մասին, որ նույն օրը ժամը 23:20-ին աջ ձեռքի թաթի կտրած վերքով «Հանրապետական բժշկական կենտրոն» է դիմել Ասկերանի շրջանի բնակիչ, 1982թ.ծնված Է. Հ.-ն:
Ստուգմամբ պարզվել է, որ նույն օրը ժամը 21:00-ի սահմաններում Պատարա գյուղի «Պահեստներ» կոչվող տեղամասում վիճաբանություն է առաջացել Ասկերանի շրջանի բնակիչներ` 1982թ.ծնված Է. Հ.-ի և 1980թ.ծնված Ս. Հ.-ի միջև: Վիճաբանությունը դադարեցնելու նպատակով միջամտած Է. Հ.-ն բռնել է Ս. Հ.-ի ձեռքում գտնվող դանակի կտրող մասից և ստացել նշված վնասվածքը:
Ստուգմամբ զբաղվում է ԱՀ ոստիկանության Ասկերանի շրջանային բաժինը: