ԿԱՅՔԻ ՔԱՐՏԵԶ
ԹԵԺ ԳԻԾ
06.08.2021 12:43
Վրաերթ մայրաքաղաք Ստեփանակերտում
Օգոստոսի 5-ին ժամը 13:30-ին ոստիկանության հերթապահ մասում հաղորդում է ստացվել, որ Ուլուբաբյան փողոցում ճանապարհատրանսպորտային պատահար է տեղի ունեցել:
Դեպքի վայր մեկնած հետաքննիչը պարզել է, որ նույն օրը, ժամը 13:20-ի սահմաններում Ստեփանակերտ քաղաքի բնակիչ Է. Ղ.-ն (ծնված 1986թ.) վարելով «Մերսեդես-Բենզ» մակնիշի ավտոմեքենան, վրաերթի է ենթարկել Ստեփանակերտ քաղաքի բնակիչ Ա. Ս.-ին (ծնված 2012թ.), ինչի հետևանքով վերջինս ձախ սրունքի զույգ ոսկրերի ստորին երրորդի փակ կոտրվածք առանց տեղաշարժի, վերջույթների բազմակի սալջարդ վերք վնասվածքներով տեղափոխվել է «Արևիկ» մանկական բուժմիավորում ՓԲԸ:
***
Օգոստոսի 5-ին, ժամը 23:20-ի սահմաններում անհայտ անձը՝ դեռևս չպարզված ավտոմեքենայով, Տիգրան Մեծ փողոցի ճանապարհահատվածում վրաերթի է ենթարկել Ստեփանակերտ քաղաքի բնակիչ Ա. Ա.-ին (ծնված 1975թ.), թողնելով դեպքի վայրը՝ դիմել փախուստի, ինչի հետևանքով վերջինս ձախից ծոծրակոսկրի գծային կոտրվածք տարածումով և տարբեր վնասվածքներով տեղափոխվել է «Հանրապետական բժշկական կենտրոն» ՓԲԸ:
ԱՀ ՆԳ նախարարության ոստիկանության ՃՈ ծառայողների հետ համատեղ ձեռնարկված միջոցառումների արդյունքում պարզվել է, որ անհայտ անձը հանդիսանում է Ստեփանակերտ քաղաքի բնակիչ Գ. Ա.-ն (ծնված 1992թ.), ով «Opel Astra» մակնիշի ավտոմեքենայով վրաերթի է ենթարկել Ա.Ա.-ին:
Ստուգմամբ զբաղվում է ոստիկանության Ստեփանակերտ քաղաքի վարչությունը: