ԿԱՅՔԻ ՔԱՐՏԵԶ
ԹԵԺ ԳԻԾ
07.06.2022 14:34
ՏԿՀԴՊ վարչություն՝ հարուցվել է քրեական գործ և ընդունվել վարույթ
Ա. Զաքարյանը 2007 թվականից աշխատելով ԱՀ Մարտակերտի շրջանի Գետավան համայնքի ղեկավար, հանդիսանալով իշխանական գործառույթներ իրականացնող պաշտոնատար անձ, դիտավորությամբ ակնհայտորեն դուրս գալով իր լիազորությունների շրջանակներից և խախտելով ԱՀ «Տեղական ինքնակառավարման մարմինների մասին» օրենքի 32-րդ հոդվածի 13-րդ կետի, ԱՀ հողային օրենսգրքի 67-րդ հոդվածի 4-րդ մասի, 68-րդ հոդվածի 2-րդ, 3-րդ և 5-րդ մասերի, «Հրապարակային սակարկությունների մասին» ԱՀ օրենքի 3-րդ հոդվածի 2-րդ մասի և 10-րդ հոդվածի 1-ին մասի պահանջները,առանց համայնքի ավագանու որոշման և սահմանված չափով, ժամկետներում ու կարգով նախավճարը մուծված չլինելու պայմաններում, ինչպես նաև առանց հողի նպատակային նշանակությունը փոխելու մասին կառավարության համապատասխան որոշման, 2018 թվականի հուլիսի 16-ին և 2019 թվականի հուլիսի 04-ին համայնքապետարանում անց է կացրել ձևական աճուրդներ, որոնց հիման վրա ԱՀ Մարտակերտի շրջանի Գետավան համայնքի վարչական սահմաններում գտնվող համայնքային սեփականություն հանդիսացող հողերից՝ 0,0838 հա, 0,0684 հա, 0,3480 հա և 0,3400 հա չափերի հողատարածքները հասարակական և բնակելի կառուցապատման նշանակությամբ օտարել է իր որդուն՝ Ա. Զ.-ին, համայնքի օրինական շահերին պատճառելով 694829 ՀՀ դրամի վնաս:
Նկատի ունենալով, որ սույն նյութերում առերևույթ առկա է ԱՀ քրեական օրենսգրքի 204-րդ հոդվածով և 323-րդ հոդվածի 1-ին մասով նախատեսված հանցագործությունների հատկանիշներ` ուստի, ղեկավարվելով ԱՀ քրեական դատավարության օրենսգրքի 52-րդ, 186-187-րդ, 191-193-րդ և 198-րդ հոդվածներով՝ որոշում է ընդունվել
Սույն դեպքի առթիվ ԱՀ քրեական օրենսգրքի 204-րդ հոդվածով և 323-րդ հոդվածի 1-ին մասով նախատեսված հանցագործությունների հատկանիշներով հարուցել քրեական գործ, այն ընդունել վարույթ և իրականացնել հետաքննություն։