15.10.2021 15:22
Փա՛ռք և հավերժ հիշատակ հայրենիքի պաշտպանության համար անմահացած բոլոր ոստիկաններին. Աշոտ Դալլաքյան.
Մեկ տարի առաջ այս օրը՝2020 թվականի հոկտեմբերի 15-ին, Հադրութի շրջանում անմահացավ ոստիկանության սերժանտ Աշոտ Դալլաքյանը:
Ոստիկանության պետ գնդապետ Արտյոմ Հարությունյանն այսօր առաջին տեղակալ Նորայր Բաբայանի և համակարգի մի խումբ ծառայողների ուղեկցությամբ, այցելել է Ստեփանակերտի Եղբայրական հուշահամալիր-պանթեոն, ծաղիկներ խոնարհել հերոս ոստիկանի շիրմաքարի պատվանդանին, հարազատների հետ միասին հարգանքի տուրք մատուցել Աշոտի հիշատակին:
Ոստիկանության պետը համակարգի ամբողջ անձնակազմի ցավակցությունն է փոխանցել Դալլաքյանների ընտանիքի անդամներին ու մտերիմներին:
Ծնվել է 1981թ. մայիսի 6-ին Մարտակերտի շրջանի Հայկաջուր գյուղում։
1999-2001թթ.ծառայել է ԶՈւ շարքերում։
2009թ.օգոստոսի 3-ից ծառայության է անցել ԼՂՀ ոստիկանության քրեակատարողական վարչությունում։
2019թ.հոկտեմբերի 4-ին նշանակվել է ԱՀ ոստիկանության քրեակատարողական վարչության քրեակատարողական հիմնարկի փակ ուղղիչ տեղամասի կրտսեր տեսուչ։
Ուներ ոստիկանության սերժանտի կոչում։
2020 թվականի սեպտեմբերի 27-ից՝ ոստիկանության համահավաք գումարտակի անձնակազմի հետ մասնակցել է հայրենիքի պաշտպանության համար մղված մարտերին:
Զոհվել է 2020թ.հոկտեմբերի 15-ին՝ Հադրութի շրջանի «Թութակ» կոչվող տեղամասում՝ անօդաչու թռչող սարքի հարվածից։
ԱՀ Նախագահի հրամանագրով՝ հետմահու պարգևատրվել է «Արիություն» մեդալով:
Հանգչում է Ստեփանակերտի Եղբայրական հուշահամալիր պանթեոնում: