ԿԱՅՔԻ ՔԱՐՏԵԶ
ԹԵԺ ԳԻԾ
25.06.2021 12:22
Փախցրած ԱՏՄ-ի հայտնաբերում
Հունիսի 23-ին հաղորդվել էր Ստեփանակերտ-Դրմբոն մայրուղուց դեպի Խնձրիստան գյուղ տանող ավտոճանապարհի 1-ին կիլոմետրին անհայտ անձանց կողմից «Միցուբիշի Պաջեռո» մակնիշի ավտոմեքենայով, Ա. Ե.-ի կողմից վարվող «ՎԱԶ 2121» մակնիշի ավտոմեքենայի ճանապարհը փակելու, վերջինիս ծեծի ենթարկելու և ավտոմեքենան փախցնելու վերաբերյալ:
Համատեղ ԱՀ ՆԳ նախարարության ոստիկանության ՔՀՎ և ՃՈ ծառայողների հետ տաք հետքերով ձեռնարկված օպերատիվ հետախուզական միջոցառումների արդյունքում պարզվել է, որ նույն օրը ժամը 02:00-ի սահմաններում, Ստեփանակերտ-Դրմբոն-Խնձրիստան ավտոճանապարհի խաչմերուկում Ա. Ե.-ն իր ավտոմեքենայով դուրս է եկել ճանապարհի հանդիպակաց երթևեկելի գոտի և բախվել Ստեփանակերտ քաղաքի բնակիչ Կ. Ն.-ի (ծնված 1976թ.) կողմից վարվող «Միցուբիշի-Պաջեռո» մակնիշի ավտոմեքենային ու շարունակել վարել ավտոմեքենան դեպի Խնձրիիստան գյուղ, որից հետո Կ. Ն.-ն հետապնդելով վերջինիս, կանգնեցրել է ավտոմեքենան և մեկ անգամ ձեռքով հարվածել դեմքին, իսկ ավտոմեքենան տեղափոխել Շոշ գյուղում գտնվող իրենց տան բակ: