Արցախի Հանրապետության Սահմանադրություն Օրենսգրքեր Օրենքներ ԱՀ Նախագահի հրամանագրեր, կարգադրություններ ԱՀ կառավարության որոշումներ ԱՀ ոստիկանության պետի հրամաններ Նախագծեր Հանրային քննարկումներ
Սպանություն Սպանության փորձ Հետախուզվողի հայտնաբերում Մարմնական վնասվածք մահվան ելքով Մարմնական վնասվածք Անձի առևանգում Դիակի հայտնաբերում Ինքնասպանություն կամ ինքնասպանության փորձ Ավազակային հարձակում Կողոպուտ Գողություն Խարդախություն Յուրացում կամ վատնում ԱՄՏ-ի փախցնել Գույքը դիտավորությամբ ոչնչացնելը Դրամանենգություն Խուլիգանություն Կավատություն Թմրամիջոցի հայտնաբերում Ապօրինի ծառահատում Որսագողություն Կաշառակերություն Բռնություն իշխանության ներկայացուցչի նկատմամբ Այլ հանցագործություններ Հայտարարվել է հետախուզում Զենք-զինամթերքի կամավոր հանձնում Զենք-զինամթերքի հայտնաբերում Պայթյուն և վթար Հրդեհ Թունավորում Անհայտ կորած
ԿԱՅՔԻ ՔԱՐՏԵԶ
ԹԵԺ ԳԻԾ
28.02.2022 16:09
ԱՀ ՆԳ նախարարության ոստիկանությունն ամփոփում է անցած շաբաթը 21.02.2022-28.02.2022թթ
Ոստիկանության տարածքային ստորաբաժանումների հերթապահ մասերում իրավախախտումների վերաբերյալ փետրվարի 21-ից 28-ն ընկած ժամանակահատվածում ստացվել է ընդհանուր 84 հաղորդում։
Շաբաթվա ընթացքում ճանապարհային ոստիկանության օպերատիվ կառավարման կենտրոնում գրանցվել է ճանապարհատրանսպորտային 20 պատահար, որից 15-ը նյութական վնասով, 5-ը՝ մարմնական։ Բուժհաստատություն է դիմել 5 քաղաքացի։
Յոթ օրվա ընթացքում առանց վարորդական վկայականի տրանսպորտային միջոց է շահագործել 32 վարորդ, 19-ը եղել է անսթափ վիճակում, 346 վարորդ գերազանցել է սահմանված արագությունը:
Մեկ շաբաթվա ընթացքում բացահայտվել է նախկինում կատարված 5 հանցագործություն: Ոստիկանության քրեական հետախուզության վարչության, Ստեփանակերտ քաղաքի վարչության, ինչպես նաև շրջանային բաժինների ծառայողների հետ համատեղ ձեռնարկված օպերատիվ միջոցառումների արդյունքում՝ բացահայտվել է 2020 թվականի պատերազմի ընթացքում կատարված գողության 4 դեպք:
Ըստ ոստիկանության օպերատիվ ամփոփագրերի` անցած շաբաթվա ընթացքում գրանցվել է խարդախության 2, մարմնական վնասվածք հասցնելու և անձնական ունեցվածքի գողության 10-ական դեպքեր, գույքի դիտավորությամբ ոչնչացման 1 դեպք։
Թմրամոլության, թմրամիջոցների ապօրինի շրջանառության, դրանց աճեցման և իրացման դեմ ոստիկանության անզիջում պայքարը շարունակվում է: Այս մասով շաբաթվա ընթացքում բացահայտվել է 3 դեպք:
Անցած շաբաթվա ընթացքում ադրբեջանական կողմը Ասկերանի շրջանի Խրամորթ համայնքի հարակից տարածքում շարունակել է փետրարի 16-ից սկսած սադրանքները։
Բարձրախոսներով գյուղը լքելու ադրբեջանական կոչերն ըստ էության խուճապային տրամադրություններ ստեղծելու տրամաբանություն ունեն։ Ոստիկանության Ասկերանի շրջանային բաժնի ծառայողները գյուղի տարածքում իրականացրել են ուժեղացված ծառայություն և վերահսկել օպերատիվ իրավիճակը: Իսկ ռուսական խաղաղապահ առաքելության պատասխանատուները բանակցություններ են վարել ադրբեջանական կողմի հետ: Կիրակի կեսօրից հետո՝ Ադրբեջանը դադարեցրել է սադրանքները:
Հիշեցնենք, որ փետրվարի 16-ից սկսած ադրբեջանական կողմը շփման գծի Խրամորթ-Ակնա /Աղդամ/ հատվածում մի քանի անգամ խախտել է հրադադարի պահպանման ռեժիմը՝ կրակել դաշտավայրում աշխատող տրակտորիստի ուղղությամբ, այնուհետև հաջորդ օրը գյուղացիներին բանավոր զգուշացրել են լքել տարածքը: Անհաջող այս փորձերին հաջորդել է բարձրախոսով կոչերը:
ՆԳ նախարարության ոստիկանության բոլոր ստորաբաժանումները Հանրապետության տարածքում իրականացրել են ուժեղացված ծառայություն՝ վերահսկել օպերատիվ իրավիճակը, կազմակերպել հանցավորության դեմ արդյունավետ պայքար և պահպանել կայուն հասարակական կարգ ու կանոն:
Հետադարձ կապ՝ 102
/047/940207
