28.07.2021 15:59
ԱՀ ՆԳ նախարարության ոստիկանությունն ամփոփում է շաբաթը. 19.07.2021 - 25.07.2021թ.
2021 թվականի հուլիսի 19-ից 25-ն ընկած ժամանակահատվածում ՆԳ նախարարության ոստիկանության բոլոր ստորաբաժանումներն իրականացրել են ուժեղացված ծառայություն:
Նախորդ շաբաթվա համեմատ ավելացել է ընդհանուր հանցագործությունների թիվը։ Անհանգստացնող են ճանապարհատրանսպորտային պատահարների դեպքերը:
Նշված ժամանակահատվածում հանրապետության տարածքում արձանագրվել է մարմնական վնասվածք հասցնելու` 4, խարդախության՝ 3, համակարգչային հանցագործության՝ 1, թմրանյութի հայտնաբերման` 5, ապօրինի ծառահատման՝ 2, զենք-զինամթերքի կամավոր հանձնման 4 դեպք: Գրանցվել է ինքնասպանության 1 դեպք` հայտնաբերվել` 2 դիակ։
Բոլոր ահազանգերով անմիջապես դեպքի վայրեր են մեկնել ոստիկանության տարածքային ստորաբաժանումների օպերատիվ խմբերը և օրենքով սահմանված կարգով ընթացքավորել դրանք։
Ընդհանուր առմամբ՝ Հերթապահ մասում կատարված հանցագործությունների, դեպքերի և պատահարների վերաբերյալ գրանցվել է 53 հաղորդում:
Համակարգի ծառայողների ձեռնարկած օպերատիվ միջոցառումների արդյունքում՝ 32-ն արդեն բացահայտվել և ընթացքավորվել է:
Հուլիսի 19-ից 25-ն ընկած ժամանակահատվածում ԱՀ տարածքում գրանցվել է 28 ճանապարհատրանսպորտային պատահար, որից 19-ը նյութական վնասով, 9-ը՝ մարմնական, 1-ը՝ մահվան ելքով: ՃՏՊ դեպքերից բուժհաստատություն է դիմել 19 քաղաքացի։