ԿԱՅՔԻ ՔԱՐՏԵԶ
ԹԵԺ ԳԻԾ
14.06.2021 14:02
ԱՀ ՆԳ նախարարության ոստիկանությունն ամփոփում է շաբաթը. 07.06.2021 - 13.06.2021
2021 թվականի հունիսի 7-ից 13-ն ընկած ժամանակահատվածում ՆԳ նախարարության ոստիկանության բոլոր ստորաբաժանումները շարունակել են ծառայությունն իրականացնել ուժեղացված ռեժիմով:
Նախորդ շաբաթվա համեմատ նվազել են ՃՏՊ դեպքերը:
2021 թվականի հունիսի 7-ից 13-ն ընկած ժամանակահատվածում հանրապետության տարածքում արձանագրվել է ինքնասպանության փորձի՝ 1, մարմնական վնասվածք հասցնելու` 9, գողության` 4, զենք զինամթերքի հանձնման 2, խարդախության՝ 3, հափշտակության՝ 1, ապօրինի կամ կեղծ ձեռնարկատիրության՝ 1, ապօրինի ծառահատման՝ 1, բռնություն իշխանության նկատմամբ՝ 1 և թունավորման 1 դեպք:
Բոլոր ահազանգերով անմիջապես դեպքի վայրեր են մեկնել ոստիկանության տարածքային ստորաբաժանումների օպերատիվ խմբերը և օրենքով սահմանված կարգով ընթացքավորել դրանք։
Ընդհանուր առմամբ, ոստիկանության Հերթապահ մասում դեպքերի կամ պատահարների վերաբերյալ գրանցվել է 61 հաղորդում:
Համակարգի ծառայողների ձեռնարկած օպերատիվ միջոցառումների արդյունքում՝ 27-ն արդեն բացահայտվել և ընթացքավորվել է:
Հունիսի 7-ից 13-ն ընկած ժամանակահատվածում ԱՀ տարածքում գրանցվել է 20 ճանապարհատրանսպորտային պատահար, որից 15-ը նյութական վնասով, 5-ը՝ մարմնական: ՃՏՊ դեպքերից բուժհաստատություն է դիմել 6 քաղաքացի:
