ԿԱՅՔԻ ՔԱՐՏԵԶ
ԹԵԺ ԳԻԾ
21.05.2021 12:19
ԱՀ ՆԳՆ ոստիկանությունն ամփոփում է շաբաթը
2021 թվականի մայիսի 10-ից 16-ն ընկած ժամանակահատվածում ոստիկանության ծառայողների ձեռնարկած օպերատիվ միջոցառումների արդյունքում բացահայտվել է նախկինում կատարված 3 հանցագործություն:
Համակարգի 1-02 հերթապահ մասերում ճանապարհատրանսպորտային պատահարների վերաբերյալ ստացվել է 6 հաղորդում:
Մարմնական տարբեր աստիճանի վնասվածք է ստացել 5 քաղաքացի: Տուժածները բուժում են ստանում տարբեր բուժհաստատություններում: Մահվան ելքով ճանապարհատրանսպորտային մեկ պատահար է տեղի ունեցել Ասկերանի շրջանում:
Շաբաթվա ընթացքում գրանցվել է խուլիգանության 2, խարդախության 1, թմրանյութի հայտնաբերման 3, գողության 5, համակարգչային հանցագործության 1 դեպք:
Շմոլ գազի թունավորման մեկ դեպք գրանցվել է մայրաքաղաք Ստեփանակերտում:
Զենք-զինամթերքի կամովին հանձնման նպատակով անցած շաբաթ ոստիկանություն է դիմել 4 քաղաքացի:
Գրանցված հանցագործությունների դեմ պայքարի և հանցավորության հակազդման ուղղությամբ՝ ոստիկանության ծառայողների կողմից աշխատանքները շարունակվում են ամենօրյա ռեժիմով: