21.06.2022 11:41
ԱՀ ՆԳՆ ոստիկանության կողմից թմրամիջոցների և հոգեմետ նյութերի ապօրինի շրջանառության դեմ ոստիկանության անզիջում պայքարը շարունակվում է
Ոստիկանության Քրեական հետախուզության վարչության ծառայողները՝ թմրամիջոցներ ապօրինի պահելու և գործածելու կասկածանքով, հունիսի 20-ին անձնական խուզարկության են ենթարկել Ստեփանակերտ քաղաքի բնակիչ Հ. Դ.-ին (ծնված 1969թ.), ում տաբատի գրպանում պոլիէթիլենային տոպրակում հայտնաբերվել և վերցվել է 0.42 գրամ քաշով «Չերնյաշկա» տեսակի թմրամիջոցի նմանվող շագանակագույն զանգված:
Վերջինիս բնակարանի զննությամբ, սենյակում գտնվող սեղանին հայտնաբերվել է նույն թմրամիջոցի նստվածքի պարունակությամբ բամբակե 46 տամպոն, 8 ներարկիչ, տարբեր տեսակի 12 դեղամիջոց, իսկ պատշգամբի ծաղկամանում կանեփի մեկ բույս։
Ստուգմամբ զբաղվում է ոստիկանության ՔՀ վարչությունը:
Քրեական հետախուզության վարչությունը կոչ է անում բոլոր քաղաքացիներին, զերծ մնալ թմրամիջոցների ապօրինի աճեցման և դրանց իրացման գործողություններից:
Հոգ տարեք ձեր առողջության մասին և խնայեք ձեր մերձավորներին։