ԿԱՅՔԻ ՔԱՐՏԵԶ
ԹԵԺ ԳԻԾ
16.03.2021 11:26
Թմրամիջոցների ապօրինի շրջանառության դեմ պայքարը շարունակվում է
Մարտի 15-ին ժամը 15:00-ին ՔՀՎ ծառայողները թմրանյութ պահելու կասկածանքով Ստեփանակերտ քաղաքի Ալ. Հեքիմյան փողոցից բերման են ենթարկել մայրաքաղաքի բնակիչ, 1987թ.ծնված Ն. Ս.-ին, ում անձնական խազարկությամբ բաճկոնի գրպանում թղթե 3 առանձին փաթեթներում հայտնաբերվել է ընդհանուր 5.24 գրամ քաշով կանաչ գույնի չորացված և մանրացված թմրանյութի նմանվող բուսական զանգված։
Փաստի առթիվ հարուցված քրեական գործով ձեռնարկված օպերատիվ հետախուզական միջոցառումներով պարզվել է, որ Ն. Ս.-ն նշված թմրամիջոցը նույն օրը ձեռք է բերել մայրաքաղաքի բնակիչ, 1985թ.ծնված Ս. Ա.-ից, ով մարտի 10-ից 15-ն ընկած ժամանակահատվածում մայրաքաղաքի բնակիչներ՝ 1993թ.ծնված Մ. Կ.-ին և 1988թ.ծնված Ա. Ս.-ին իրացրել է որոշակի քանակությամբ թմրամիջոց:
Ս. Ա.-ի բնակարանի խուզարկությամբ հայտնաբերվել և վերցվել է ընդհանուր՝ 2.81 գրամ քաշով թմրանյութին նմանվող զանգված:
Ստուգմամբ զբաղվում է ոստիկանության ՔՀ վարչությունը։
