ԿԱՅՔԻ ՔԱՐՏԵԶ
ԹԵԺ ԳԻԾ
10.02.2021 09:32
Կտրել են հոսանքի լարերը և վաճառել
Փետրվարի 8-ին ոստիկանության Մարտակերտի շրջանային բաժնի ծառայողները պարզել են, որ Մարտակերտի շրջանի բնակիչներ՝ 1996թ.ծնված Ս. Ծ.-ն և 1995թ.ծնված Վ. Ղ.-ն 2021թ. փետրվարի 3-ին ժամը 21:00-ի սահմաններում, Ս. Ծ.-ի կողմից վարվող «ՎԱԶ 2106» մակնիշի ավտոմեքենայով ներկայացել են Մաղավուզի վարչական տարածքի «Ճուլհակ» կոճվող տեղամաս և առկա Էլեկտրասյունից, կացնի և մուրճի օգտագործմամբ կտրել 200 մետր երկարության բարձր լարման հոսանքի լար և այն փետրվարի 4-ին վաճառել Մարտակերտի շրջանի բնակիչ, 1980թ.ծնված Դ. Խ.-ին:
Վնասի չափը ճշտվում է:
Ստուգմամբ զբաղվում է ոստիկանության Մարտակերտի շրջանային բաժինը: