01.12.2021 14:24
Հարգանքի տուրք՝ 44-օրյա պատերազմում անմահացած Արեն Ասրյանի հիշատակին
ԱՀ ՆԳ նախարարության ոստիկանության պետի տեղակալ Վրույր Խաչատրյանը, երեկ՝ նոյեմբերի 30-ին, Մարտակերտի շրջանային բաժնի պետ Ռոմա Հարությունյանի և համակարգի ծառայողների ուղեկցությամբ, այցելել է Մարտակերտի շրջանի Հաթերք համայնք, հարգանքի տուրք մատուցել 44-օրյա պատերազմում անմահահացած ոստիկանության սերժանտ Արեն Ասրյանի հուշաքարին:
Արենը մեկն է համակարգի այն 9 ծառայողներից, ովքեր հակառակորդի անօդաչու թռչող սարքի հարվածից անմահացավ Հադրութի համար մղված թեժ մարտերի ընթացքում:
Վրույր Խաչատրյանն ու Ռոմա Հարությունյանն իրենց զորակցությունն են հայտնել Արենի հարազատներին ու մտերիմներին, նշել, որ ոստիկանության համակարգում ծառայողի մասնագիտական օրը և ընդմիշտ՝ տղաներին բացակա չենք դնի: