ԿԱՅՔԻ ՔԱՐՏԵԶ
ԹԵԺ ԳԻԾ
13.04.2022 18:03
Հարուցվել է քրեական գործ և այն ընդունվել վարույթ. Հափշտակվել է 296.000 դրամ
ԱՀ ոստիկանության տնտեսական և կոռուպցիոն հանցագործությունների դեմ պայքարյի վարչությունում վերանայելով ԱՀ Ասկերանի շրջանի Իվանյան գյուղի բնակիչ Ա. Կ.-ի հաղորդման շուրջ նախապատրաստված նյութերը՝ պարզելվել է, որ 2022 թվականի ապրիլի 04-ին ԱՀ Ասկերանի շրջանի Իվանյան գյուղի բնակիչ Ա. Կ.-ն «Odnoklassniki.ru» սոցիալական կայքում կապ է հաստատել նույն սոցիալական կայքում «Qiso Videozang» անունով գրանցված անհայտ անձի հետ և ձեռք բերել վիդեոզանգ կատարելու պայմանավորվածություն։
Վիդեոզանգի ընթացքում վերջինս Ա.Կ.-ից պահանջել է ակտիվացնել «էկրանի ցուցադրություն» ֆունկցիան և միաժամանակ փորձել է մուտք գործել նրա 097-30-67-** հեռախոսահամարով բացված «TelCell» էլեկտրոնային դրամապանակը այլ էլեկտրոնային սարքի միջոցով, որի համար Ա.Կ.-ի 097-30-67-** հեռախոսահամարին «TelCell» ընկերության կողմից ուղարկվել է ակտիվացման միանգամյա գաղտնի կոդը և քանի որ այդ պահին ակտիվացված էր «էկրանի ցուցադրություն» ֆունկցիան «Qiso Videozang» անունով գրանցված անհայտ անձը տիրացել է ակտիվացման միանգամյա գաղտնի կոդին և այն օգտագործելով, առանց թույլտվության մուտք գործելու եղանակով ապօրինի տիրացել է Ա.Կ.-ին պատկանող՝ 097-30-67-** հեռախոսահամարով բացված «TelCell» էլեկտրոնային դրամապանակի տեղեկատվությանը, որտեղից առկա 296.000 դրամ գումարը «Adjarabet» բուքմեյքերական ընկերության ID4170330 նույնականցման համար ունեցող խաղային հաշվին փոխանցելու եղանակով, համակարգչային տեխնիկայի օգտագործմամբ, հափշտակել է այն՝ Ա.Կ.-ին պատճառելով զգալի չափերի հասնող գույքային վնաս:
Նկատի ունենալով, որ նկարագրված դեպքն իր մեջ առերևույթ պարունակում է ԱՀ քրեական օրենսգրքի 265-րդ հոդվածի 1-ին մասով և 187-րդ հոդվածի 1-ին մասով նախատեսված հանցագործության հատկանիշներ, ուստի ղեկավարվելով ԱՀ քրեական դատավարության օրենսգրքի 52-րդ, 186-187-րդ, 192-193-րդ հոդվածներով, որոշվել է սույն դեպքի առթիվ ԱՀ քրեական օրենսգրքի 265-րդ հոդվածի 1-ին մասով և 187-րդ հոդվածի 1-ին մասով նախատեսված հանցագործության հատկանիշներով հարուցել քրեական գործ, այն ընդունել վարույթ և կատարել հետաքննություն: