27.09.2021 14:50
Հոգեհանգստի պատարագ՝ հայրենիքի փրկության համար անմահացած քաջորդիների հոգիների խաղաղության համար
Հայրենիքի պաշտպանությունը յուրաքանչյուր հայի նվիրական պարտքն է ու պատիվը: Իսկ հայրենիքի պաշտպանության համար իր անձը ընծայաբերողը՝ հերոս է։
Այսօր՝ սեպտեմբերի 27-ին՝ Արցախյան երրորդ պատերազմի առաջին տարելիցի օրը, հայրենիքի փրկության համար անմահացած քաջորդիների հոգիների խաղաղության համար, ՀԱԵ բոլոր եկեղեցիներում մատուցվել է հոգեհանգստյան պատարագ:
Ստեփանակերտի Աստվածամոր Սուրբ Հովանի մայր տաճարում Սուրբ և անմահ պատարագին մասնակցել են Արցախի Հանրապետության իշխանությունները՝ նախագահ Արայիկ Հարությունյանի գլխավորությամբ:
Այնուհետև ՆԳ նախարար Կարեն Սարգսյանը, ոստիկանության պետ Արտյոմ Հարությունյանի, ԱԻ պետական ծառայության տնօրեն Մեխակ Արզումանյանի և համակարգի մի խումբ ծառայողների ուղեկցությամբ, Ստեփանակերտի հուշահամալիր-պանթեոնում հարգանքի տուրք է մատուցել 44-օրյա արհավիրքի ընթացքում նահատակված հերոսների, ոստիկանների ու փրկարար ծառայողների շիրիմներին: