ԿԱՅՔԻ ՔԱՐՏԵԶ
ԹԵԺ ԳԻԾ
11.06.2021 15:38
Ճանապարհատրանսպորտային պատահար Քաշաթաղի շրջանում
Հունիսի 10-ին ժամը 07:55-ին ոստիկանության հերթապահ մասում հաղորդում է ստացվել, որ Աղավնո գյուղի մոտակայքում ավտոմեքենա է գլորվել ձորը:
Դեպքի վայր մեկնած տեսուչը պարզել է, որ նույն օրը ժամը 07:00-ի սահմաններում Երևան քաղաքի բնակիչ Հ. Հ.-ն (ծնված 1968թ.) վարելով իրեն պատկանող «Օպել-Աստրա» մակնիշի ավտոմեքենան, Գորիս-Ստեփանակերտ ավտոճանապարհի 31-րդ կիլոմետրին դուրս է եկել ճանապարհի երթևեկելի գոտուց և գլորվել ձորը, ինչի հետևանքով վերջինս ստացած մարմնական վնասվածքներով շտապ բժշկական օգնության մեքենայով տեղափոխվել է «Գորիսի բժշկական կենտրոն» ՓԲԸ:
Ստուգմամբ զբաղվում է ոստիկանության Քաշաթաղի շրջանային բաժինը: