12.05.2022 00:17
ՃՏՊ՝ Ստեփանակերտ - Ասկերան ավտոճանապարհին. Տուժածների առողջական վիճակը բավարար է
Մայիսի 10-ին ժամը 20:57-ին Ոստիկանության հերթապահ մասում, միաժամանակ ԱԻ պետական ծառայության 911 ահազանգման կենտրոնում հաղորդում է ստացվել, որ Ստեփանակերտ-Ասկերան ավտոճանապարհի 4-րդ կիլոմետրին տեղի է ունեցել ճանապարհատրանսպորտային պատահար:
Օգնություն ցուցաբերելու նպատակով ժամը 20:58-ին դեպքի վայր են մեկնել ՆԳՆ ոստիկանության և ԱԻՊԾ հերթապահ օպերատիվ խմբերը։
Պարզվել է, որ իրար են բախվել Վ․ Ա-ի վարած «Ուազ» և Ա․ Բ-ի վարած «Ֆորդ» մակնիշի ավտոմեքենաները: ՃՏՊ-ի հետևանքով 2 ուղևորի ներ՝ թեթև մարմնական վնասվածքներով շտապ օգնության ավտոմեքենայով տեղափոխել են «Հանրապետական բժշկական կենտրոն» ՓԲԸ, իսկ վարորդին` փրկարարները ստորին վերջույթի վնասվացքով դուրս են հանել ավտոմեքենայից, ցուցաբերել համապատասխան օգնություն և շտապ օգնության ավտոմեքենայով տեղափոխել բուժհաստատություն։
Ըստ բժիշկներից ստացված տեղեկության տուժածների առողջական վիճակը բավարար է:
Ժամը 22:20-ի դրությամբ վերջիններս դուրս են գրվել հիվանդանոցից: Իսկ վարորդի վիճակը գնահատվում է միջին ծանրության:
Ստուգմամբ զբաղվում է ոստիկանության Ասկերանի շրջանային բաժինը: