ԿԱՅՔԻ ՔԱՐՏԵԶ
ԹԵԺ ԳԻԾ
12.10.2022 13:01
Մայրաքաղաքում տեղադրվում են լուսացուցային օբյեկտներ
ՆԳ նախարարության ոստիկանության ճանապարհային ոստիկանությունը, Ստեփանակերտի քաղաքապետարանի հետ համատեղ, մայրաքաղաքի Ադմիրալ Իսակով-Ս.Դավիթ-Պ.Սևակ փողոցների խաչմերուկում իրականացնում է լուսացույցի տեղադրման աշխատանքներ:
Աշխատանքներն ավարտին կհասցվեն ընթացիկ ամսում: ՃՈ-ն հորդորում է երթևեկության բոլոր մասնակիցներին, արտակարգ դեպքերից ու պատահարներից խուսափելու համար նշված խաչմերուկում լինել առավել զգոն և պահպանել երթևեկության անվտանգության կանոնները:
Տրանսպորտային համակարգի բարեփոխման շրջանակում ՆԳ նախարարությունը տարբեր ուղղություններով ծրագրեր է նախաձեռնել: Առաջիկայում նախատեսվում է լուսացուցային նոր օբյեկտներ տեղադրել մայրաքաղաքի Անդրանիկ-Մարտունի և Մարտունի-Սպանդարյան փողոցների խաչմերուկներում, իսկ հետիոտնի լուսացույց՝ Մ.Մաշտոց-Ազատամարտիկների փողոցներում:
Լուսացույցներ և ճանապարհային նշաններ տեղադրելու գործառույթն իրականացվում է՝ հաշվի առնելով բնակիչների կողմից հաճախ բարձրացվող խնդիրները:
Այս ամենի հիմքում, իհարկե, դրված է մեկ նպատակ՝ քաղաքի բնակիչներին ու հյուրերին մատուցել որակյալ ծառայություններ՝ ապահովելով վերջիններիս անվտանգ երթևեկը:
ՃՈ օպերատիվ կառավարման կենտրոն՝
047 94-02-17, 55-02: