08.06.2022 17:28
ՆԳ նախարարի հրամանով Ոստիկանության համակարգի 2 ծառայողների շնորհվել է փոխգնդապետի կոչում
ՆԳ նախարար Կարեն Սարգսյանն այսօր՝ հունիսի 8-ին, ոստիկանության փոխգնդապետի հերթական կոչումներ է շնորհել Անձնագրային և վիզաների վարչության պետի տեղակալ, անձնագրային բաժնի պետ, ոստիկանության մայոր Վրույր Արզանյանին և Քրեական հետախուզության վարչության ծանր, անձի դեմ ուղղված հանցագործությունների և հանցավոր հեղինակությունների գործունեության դեմ պայքարի բաժնի պետի տեղակալ, ոստիկանության մայոր Ֆելիքս Աբրահամյանին:
Նախարարը շնորհավորել է ոստիկանության ծառայողներին, մաղթելով, որ այսուհետ ևս շարունակեն իրենց առաքելությունը կատարել բարձր պատասխանատվությամբ, որպես իրավապաշտպան, մարդու իրավունքները պաշտպանող պետական ծառայող և անձ, գործել ժողովրդի անունից և հանուն ժողովրդի: