Արցախի Հանրապետության Սահմանադրություն Օրենսգրքեր Օրենքներ ԱՀ Նախագահի հրամանագրեր, կարգադրություններ ԱՀ կառավարության որոշումներ ԱՀ ոստիկանության պետի հրամաններ Նախագծեր Հանրային քննարկումներ
Սպանություն Սպանության փորձ Հետախուզվողի հայտնաբերում Մարմնական վնասվածք մահվան ելքով Մարմնական վնասվածք Անձի առևանգում Դիակի հայտնաբերում Ինքնասպանություն կամ ինքնասպանության փորձ Ավազակային հարձակում Կողոպուտ Գողություն Խարդախություն Յուրացում կամ վատնում ԱՄՏ-ի փախցնել Գույքը դիտավորությամբ ոչնչացնելը Դրամանենգություն Խուլիգանություն Կավատություն Թմրամիջոցի հայտնաբերում Ապօրինի ծառահատում Որսագողություն Կաշառակերություն Բռնություն իշխանության ներկայացուցչի նկատմամբ Այլ հանցագործություններ Հայտարարվել է հետախուզում Զենք-զինամթերքի կամավոր հանձնում Զենք-զինամթերքի հայտնաբերում Պայթյուն և վթար Հրդեհ Թունավորում Անհայտ կորած
ԿԱՅՔԻ ՔԱՐՏԵԶ
ԹԵԺ ԳԻԾ
13.12.2021 12:09
ՆԳ նախարարության ոստիկանությունն ամփոփում է անցած շաբաթը 06.12.2021թ-12.12.2021թ.
Հանրապետության տարածքում անցած շաբաթ գրանցվել է ճանապարհատրանսպորտային 27 պատահար, որից 26-ը նյութական վնասով, 1-ը՝ մարմնական: Բուժհաստատություն է դիմել 1 քաղաքացի: Նախորդ շաբաթվա համեմատ ճանապարհատրանսպորտային պատահարներն ավելացել են 9 դեպքով:
Յոթ օրվա ընթացքում Արցախի տարածքում առանց վարորդական վկայականի տրանսպորտային միջոց է շահագործել 45 վարորդ, 14-ը եղել է անսթափ վիճակում, 466 վարորդ գերազանցել է սահմանված արագությունը:
ՆԳ նախարարությունը ևս մեկ անգամ սթափության կոչ է անում երթևեկության բոլոր մասնակիցներին:
Դժբախտ ելքով պատահարներից խուսափելու համար պահպանեք երթևեկության անվտանգության կանոնները:
Դեկտեմբերի 11-ին արտակարգ պատահար է գրանցվել Քռասնի գյուղի վարչական տարածքում: Ժամը 13։05-ին, ՆԳ նախարարության ոստիկանության հերթապահ մասում, միաժամանակ ԱԻ պետական ծառայության ճգնաժամային կառավարման կենտրոնում, հաղորդում է ստացվել, որ Ստեփանակերտ-Ննգի-Մարտունի ավտոճանապարհի 12-րդ կմ-ին, ճանապարհի երթևեկելի գոտուց դուրս` դաշտային հատվածում մեքենա է այրվում: Դեպքի վայր են մեկնել ՆԳՆ ճանապարհային ոստիկանության և փրկարար ծառայողները և հետաքննիչները: Այրվել է Մարտունու շրջանի Ճարտար քաղաքային համայնքի 37-ամյա բնակչին պատկանող 《Nissan X Trail》մակնիշի ավտոմեքենան։ Բարեբախտաբար ոչ ոք չի տուժել։
Դեկտեմբերի 6-ից 12-ն ընկած ժամանակահատվածում ոստիկանության տարածքային ստորաբաժանումների հերթապահ մասերում իրավախախտումների վերաբերյալ ստացվել է ընդհանուր 34 հաղորդում: Ոստիկանության ծառայողների կողմից ձեռնարկած օպերատիվ միջոցառումների արդյունքում՝ դրանցից 26-ն արդեն բացահայտվել է:
Ըստ ոստիկանության օպերատիվ հաղորդագրությունների ամփոփագրերի` անցած շաբաթվա ընթացքում գրանցվել է մարմնական վնասվածք հասցնելու 4 դեպք, բոլորը բացահայտվել են:
Ոստիկանության քրեական հետախուզության վարչության և շրջանային բաժինների ծառայողների կողմից թմրամոլության դեմ ուժեղացված պայքարի արդյունքում՝ բացահայտվել է թմրամիջոցների ապօրինի աճեցման և իրացման 2 դեպք:
Նշված ժամանակահատվածում արձանագրվել է անձնական ունեցվածքի գողության 1, խարդախության, ապօրինի ծառահատման, իշխանության ներկայացուցչի հանդեպ բռնություն գործադրելու և տրանսպորտային միջոց փախցնելու մեկական դեպքեր:
Հերթապահ մասում ստացված բոլոր ահազանգերի հետքերով անմիջապես դեպքի վայրեր են մեկնել ոստիկանության տարածքային ստորաբաժանումների օպերատիվ խմբերը և օրենքով սահմանված կարգով ընթացքավորել դրանք։
Բնակչության հետ տարված բացատրական աշխատանքների արդյունքում՝ նշված ժամանակահատվածում կամովին զինամթերք է հանձնել 1 քաղաքացի:
Ջրատաքացուցիչ կաթսայից կամ ջեռուցման համակարգից արտանետված շմոլ գազի հետևանքով՝ յոթ օրվա ընթցքում գրանցվել է թունավորման 1 դեպք:
Բացահայտվել է նախկինում կատարված 1 հանցագործություն:
ՆԳ նախարարության բոլոր ստորաբաժանումներն ու ծառայությունները հանրապետության տարածքում շարունակում են իրականացնել շուրջօրյա կազամակերպված աշխատանք՝ հանցավորության դեմ պայքարի արդյունավետ կազմակերպման և կայուն հասարակական կարգ ու կանոն պահպանելու ուղղությամբ:
Հեռ. 102, 047940207, 047940702
