ԿԱՅՔԻ ՔԱՐՏԵԶ
ԹԵԺ ԳԻԾ
09.01.2023 11:12
ՆԳՆ ոստիկանության 2022 թվականի կատարված աշխատանքների ամփոփում
2022 թվականին Արցախի Հանրապետությունում գրանցվել է 2093 հանցագործություն (2021թ.՝ 1711), 382 հանցագործություն: Հանցավորության կառուցվածքում աճել են հասարակական անվտանգության, հասարակական կարգի և բնակչության առողջության, մարդու, պետական իշխանության, ծառայության և կառավարման կարգի, տնտեսական գործունեության, նվազել՝ սեփականության ու շրջակա միջավայրի անվտանգության դեմ ուղղված հանցագործությունների տեսակարար կշիռները:
Հաշվետու տարում 302-ով աճել են ոչ մեծ ծանրության, 26-ով միջին ծանրության, նվազել՝ 26-ով ծանր և 8-ով առանձնապես ծանր հանցագործությունները:
Մարդու դեմ ուղղված հանցագործություններից դիտավորությամբ առողջությանը վնաս պատճառելու և ծեծի բացահայտված 425 հանցագործությունների կատարման շարժառիթներ են հանդիսացել կենցաղային հողի վրա և տարբեր հարցերի շուրջ առաջացած վեճերը:
Նախորդ տարում հանրապետության տարածքում արձանագրվել է ինքնասպանության 7 և ինքնասպանության փորձի 27 դեպքեր, 2021 թվականի նույն ժամանակահատվածի ինքնասպանության՝ 12 և ինքնասպանության փորձի՝ 15 դեպքերի համեմատ: Ինքնասպանության 3-ական դեպքեր կատարվել են Ստեփանակերտ քաղաքում, Ասկերանի և 1-ը՝ Մարտունու շրջաններում, ինքնասպանության փորձերից 19-ը կատարվել է Ստեփանակերտ քաղաքում, 3-ական՝ Ասկերանի ու Մարտունու և 2-ը՝ Շուշիի շրջաններում:
Հասարակական անվտանգության, հասարակական կարգի և բնակչության առողջության դեմ ուղղված այլ հանցագործությունների մասնաբաժնում հաշվետու տարում գրանցվել է տրանսպորտային միջոցներ վարելու իրավունքից զրկված անձանց կողմից տրանսպորտային միջոցներ վարելու 55 և նույն արարքը կատարած անձանց կողմից ոչ սթափ վիճակում տրանսպորտային միջոցներ վարելու 161 դեպք, ինչպես նաև գրանցվել է տրանսպորտային միջոցներ վարելու իրավունք չունեցող անձի կողմից տրանսպորտային միջոց վարելը՝ մեկ տարվա ընթացքում նույն արարքի համար վարչական տույժ նշանակելուց հետո՝ 199 դեպք:
Բնակչության շրջանում տարված կանխարգելիչ և բացատրական աշխատանքների արդյունքում արձանագրվել է զենքի, ռազմամթերքի հայտնաբերման և կամովին հանձնման 172 դեպք, 2021 թվականի նույն ժամանակահատվածի՝ 180-ի համեմատ:
Սեփականության դեմ ուղղված հանցագործությունների կառուցվածքում 19-ով աճել է խարդախության, որից 9-ը՝ խարդախության փորձ, 3-ով՝ համակարգչային տեխնիկայի օգտագործմամբ գույքի հափշտակության, նվազել՝ 108-ով գողության, որից 5-ը՝ գողության փորձ, այդ թվում 20-ով՝ բնակարան ապօրինի մուտք գործելով, որից 2-ը՝ հանցափորձ, 10-ով՝ առանց հափշտակելու նպատակի ավտոմեքենային ապօրինաբար տիրանալու, որից 2-ը՝ առանց հափշտակելու նպատակի ավտոմեքենային ապօրինաբար տիրանալու փորձ, 6-ով՝ գույքը դիտավորությամբ ոչնչացնելու կամ վնասելու, որից 2-ը՝ գույքը դիտավորությամբ ոչնչացնելու կամ վնասելու փորձ, 3-ով՝ յուրացման կամ վատնման և անփոփոխ մնացել կողոպուտի դեպքերը:
Գողության 171 դեպքերից 27-ով ոտնձգության առարկա է հանդիսացել դրամը, 19-ով՝ մեքենաների պահեստամասերը, 8-ով՝ անասունները, 5-ով՝ ոսկին, 3-ով՝ ոգելից խմիչքները, 2-ական՝ ավտոմեքենան, հեծանիվը, այլ տրանսպորտային միջոցները և հագուստն ու կոշիկը, 1-ական՝ արտահանվող սննդամթերքը, փաստաթղթերը և ընտանի թռչունները, 98-ով՝ այլ առարկաններն ու իրերը, որոնցից 5-ը որակվել է որպես հանցափորձ:
Տնտեսական գործունեության դեմ ուղղված հանցագործությունների կազմում գրանցվել է հարկեր, տուրքեր կամ պարտադիր այլ վճարումներ վճարելուց չարամտորեն խուսափելու 2 դեպք և 2-ով նվազել է ապօրինի ձեռնարկատիրության դեպքերը:
2022 թվականի ընթացքում վարույթում գտնվող քրեական գործերով և նյութերով բացահայտված 1550 հանցագործություններով դրանք կատարած անձանց թիվը կազմում է 1370, որոնցից 394-ի վերաբերյալ քրեական գործերն ուղարկվել են դատարան, 976-ի վերաբերյալ քրեական գործերը կարճվել կամ նյութերը մերժվել՝ ոչ արդարացման հիմքերով:
Ոստիկանության ճանապարհային ոստիկանության կողմից կանխարգելիչ աշխատանքներ են իրականացվել ճանապարհային երթևեկության անվտանգության ապահովման և ճանապարհատրանսպորտային պատահարների նախականխման ուղղություններով:
Գրանցվել է 78 ճանապարհատրանսպորտային պատահար, որոնց հետևանքով մահացել է 10 և մարմնական վնասվածք ստացել 92 անձ: Ճանապարհատրանսպորտային պատահարների վերլուծությունից դիտվում է, որ 43-ը կատարվել է վարորդների անուշադրության և ճանապարհային երթևեկության կանոնների այլ խախտումների, 11-ը՝ ոչ սթափ վիճակում տրանսպորտային միջոց վարելու, 7-ական՝ ճանապարհային նշանների ու գծանշումների պահանջները չկատարելու և սահմանված արագությունը գերազանցելու ու ոչ ճիշտ արագություն ընտրելու, 6-ը՝ հետիոտնային անցումների հատման կանոնները խախտելու, 2-ական՝ վազանցի և խաչմերուկի անցման կանոնները խախտելու պատճառներով: