ԿԱՅՔԻ ՔԱՐՏԵԶ
ԹԵԺ ԳԻԾ
03.06.2021 15:41
Ներքին գործերի նախարար Կարեն Սարգսյանը պարգևատրել է սամբոյի Եվրոպայի առաջնության չեմպիոն Դավիթ Հովսեփյանին
ՆԳ նախարար Կարեն Սարգսյանն այսօր ընդունել է մայիսի 27-ին Կիպրոսի Լիմասոլ քաղաքում սամբոյի 2021թ․Եվրոպայի առաջնության չեմպիոն Դավիթ Հովսեփյանին, ՀՀ և ԱՀ վաստակավոր մարզիչ Էռնեստ Միրզոյանին և ԱՀ վաստակավոր մարզիչ, միջազգային կարգի մրցավար, ոստիկանության փոխգնդապետ Ազատ Անդրյանին:
Կարեն Սարգսյանը կարևորել է սպորտի բացառիկ դերն ու նշանակությունը, նշելով, որ Ֆիզիկական կուլտուրան ազգային մշակույթի մի մասն է, իսկ դրա զարգացումը և հանրահռչակումը միայն նոր հաղթանակներ կբերի մեր երկրին։ Նախարարը նշել է, որ ինչպես շուշեցի Դավիթի հաղթանակը, այնպես էլ ցանկացած մարզիկի բերած հաջողություն, առաջին հերթին միավորում է ամբողջ ազգը, բարձրացնում հայրենասիրական ոգին, հարգանքը՝ մեր խորհրդանիշների նկատմամբ։ Կարեն Սարգսյանը պարգևատրել է չեմպիոնին, ինչպես նաև Էռնեստ Միրզոյանին ու Ազատ Անդրյանին։
Նշենք, որ մայիսի 27-ին, Կիպրոսում 58կգ քաշային կարգի 10 մասնակիցների պայքարում Հայաստանը ներկայացնում էր արցախցի Դավիթ Հովսեփյանը։ Նա հաղթելով ադրբեջանցուն՝ հռչակվել է երիտասարդների Եվրոպայի առաջնության չեմպիոն: