ԿԱՅՔԻ ՔԱՐՏԵԶ
ԹԵԺ ԳԻԾ
23.01.2023 16:02
Ոստիկանության կապիտան Արսեն Կարենի Հարությունյանը այսօր կդառնար 40 տարեկան
Ոստիկանության կապիտան Արսեն Հարությունյանի ծննդյան օրն է այսօր: Նա ոստիկանության համակարգում ծառայության է անցել 2003 թվականից: 2018 թ. հուլիսի 31-ին նշանակվել է ԱՀ ոստիկանության Ստեփանակերտ քաղաքի վարչության պարեկապահակետային ծառայության գումարտակի 2-րդ վաշտի հրամանատար։
Սեպտեմբերի 27-ից՝ ոստիկանության համահավաք գումարտակի անձնակազմի հետ մասնակցել է հայրենիքի պաշտպանության համար մղված թեժ մարտերին:
Համակարգի ևս 8 ծառայողների հետ երիտասարդ և օրինակելի հրամանատարը ևս անմահացել է 2020թ. հոկտեմբերի 16-ին՝ Հադրութի շրջանի «Թութակ» տեղամասում։
Արցախի Հանրապետության նախագահի հրամանագրով հետմահու պարգևատրվել է «Մարտական խաչ» 2-րդ աստիճանի շքանշանով և «Արիություն» մեդալով:
Հուղարկավորվել է Երևանի «Եռաբլուր» զինվորական պանթեոնում:
ՆԳՆ համակարգի մի խումբ ծառայողներ այսօր այցելել են Հարությունյանների ընտանիքին, ծաղիկներ խոնարհել Արսենի հիշատակին կառուցված հուշարձան-աղբյուրին, զորակցություն հայտնել ու շնորհավորել հերոսի երկնային ծնուննդը:
