06.05.2022 21:29
Տեղեկանք. Քրեական հետախուզության վարչություն
ԱՀ ՆԳ նախարարության ոստիկանության քրեական հետախուզության վարչությունը հանդիսանալով հանցագործությունների դեմ պայքարը կազմակերպողի ու կոորդինացնողի դերում, շուրջօրյա ակտիվ աշխատանքներ է իրականացնում հանցագործությունների նախականխման, հայտնաբերման և բացահայտման ուղղություններով:
2022 թվականի անցած 4 ամիսների ընթացքում վարչության ծառայողների կողմից ձեռնարկված օպերատիվ հետախուզական միջոցառումներով հայտնաբերվել է թմրամիջոցների ապօրինի շրջանառության 36 դեպք, որոնցով հանցագործություն կատարած անձանց նկատմամբ իրականացվում է քրեական հետապնդում, իսկ զանցանք կատարած անձինք ենթարկվել են վարչական պատասխանատվության:
Որոշակի աշխատանքներ են տարվել սեփականության դեմ ուղղված հանցագործությունների կազմում գույքի գաղտնի հափշտակության դեպքերը բացահայտելու ուղղությամբ, որի արդյունքում բացահայտվել է գողության 24 դեպք, այդ թվում 17-ը 2020թ. պատերազմական գործողությունների ժամանակ կատարված և չբացահայտված հանցագործության դեպքեր են դրվագներ:
Փոքր թիվ չեն կազմում հետախուզվածները: Հայտնաբերվել է հանցագործություն կատարած և հետախուզման մեջ գտնվող 20 անձ, որոնցից 3-ը ՀՀ ոստիկանության ստորաբաժանումների կողմից հետախուզվողներ են: