ԿԱՅՔԻ ՔԱՐՏԵԶ
ԹԵԺ ԳԻԾ
20.02.2021 14:12
Քաղաքացին դիմում է ներկայացրել
Փետրվարի 19-ին Ստեփանակերտի քաղաքային վարչության ծառայողը զեկուցագիր է ներկայացրել այն մասին, որ փետրվարի 17-ին, ՀՀ ոստիկանության Արմավիրի մարզային վարչության Վաղարշապատի բաժնից ոստիկանության Ստեփանակերտի քաղաքային վարչություն է մուտքագրվել «Իրազեկ քաղաքացիների միավորում» խորհրդատվական հասարակական կազմակերպության ծրագրերի համակարգող Դ.Ի.-ի կողմից ՀՀ գլխավոր դատախազին հասցեագրված դիմում այն մասին, որ 2020թ. դեկտեմբերի 12-ին, ժամը 02:18-ին Ն. Հ.-ն «Ֆեյսբուք» սոցիալական ցանցի իր էջում գրառում է կատարել այն մասին, որ Դ. Ի.-ի քույրը՝ ոմն Դ.-ն Ադրբեջանի Հանրապետության կողմից սանձազերծված պատերազմի ժամանակ 2020թ. հոկտեմբերի 17-ին գտնվել է Արցախի Հանրապետության Ստեփանակերտ քաղաքում և պետական գաղտնիք պարունակող տեղեկություններ հավաքելու նպատակով լուսանկարել է ռազմավարական նշանակություն ունեցող օբյեկտներ և շինություններ:
Դեպքի հանգամանքները և անձանց ինքնությունը պարզվում են:
Ստուգմամբ զբաղվում է ոստիկանության Ստեփանակերտի քաղաքային վարչությունը:
Ծանուցում. ենթադրյալ հանցանքի մեջ կասկածվողը կամ մեղադրվողը համարվում է անմեղ, քանի դեռ նրա մեղավորությունն ապացուցված չէ ԱՀ քրեական դատավարության օրենսգրքով սահմանված կարգով` դատարանի օրինական ուժի մեջ մտած դատավճռով:
